پاکستانی باکسر محمد وسیم جنوری اور اپریل میں 2 اہم فائٹس میں حصہ لیں گے۔
ایکپسریس نیوز کے مارننگ شو ایکسپریسو میں بات کرتے ہوئے 15 میں سے 13 پروفینشل باکسنگ مقابلے جتینے والے محمد وسیم کا کہنا تھا کہ گزشتہ دنوں ویزا ایشو کی وجہ سے کافی پریشانی میں رہا تاہم مالٹامیں ورلڈ ٹائٹل فائٹ جیت کربہت خوشی ہوئی۔
انہوں نے بتایا کہ وہ اگلے ہفتے وہ انگلینڈ جارہے ہیں، جہاں وہ لیور پول میں ان ورلڈ ٹائٹل فائٹس کی تیاری کریں گے۔
کوئٹہ سے تعلق رکھنے والے محمد وسیم نے بتایا کہ ان کا باکسنگ رنگ میں مزاج جارحانہ ہوتا ہے مگر عام زندگی میں بہت پرسکون رہنے کی کوشش کرتا ہوں، اگر ایک باکسر عام زندگی میں رنگ جیسا رویہ اپنائے گاتو پھر ماحول خراب ہوسکتا ہے۔
محمد وسیم کا کہنا تھا کہ پاکستان میں سوشل میڈیا کی وجہ سے نئے باکسرز کو بہت زیادہ پرموشن مل رہی ہے، ماضی میں ہمارے امیچورز باکسرز بہت زیادہ بہتر تھے مگر کوریج کو ترستے رہے۔
کرکٹ کے بعد اب ارشد ندیم کے گولڈ میڈل جیتنے سے حکومت اور دوسروں لوگوں کا رجحان دوسری کھیلوں کی طرف بھی ہوا ہے جو پاکستانی اسپورٹس کے لیے بہت اچھا ہے۔
کمنٹ کریں