آئی سی سی نے پلیئرز کی نئی رینکنگ جاری کردی ہے۔ ون ڈے میں بابراعظم پہلی پوزیشن پر براجمان ہیں۔ جبکہ محمد رضوان 3 درجہ بہتری کے بعد 21ویں نمبر پر پہنچ گئے ہیں۔
آئی سی سی نے ون ڈے پلیئرز رینکنگ جاری کر دی۔ پاکستان کے بابر اعظم کی ون ڈے رینکنگ میں 795 پوائنٹس کے ساتھ پہلی پوزیشن برقرار ہے۔ روہت شرما،شبمن گل اور ویرات کوہلی کی بدستور دوسری،تیسری اور چوتھی پوزیشن ہے۔ ساؤتھ افریقہ کے اینرخ کلاسن 8 درجہ بہتری کے بعد پانچویں نمبر پر آگئے۔
محمد رضوان تین درجہ بہتری کے بعد 21 ویں نمبر پر پہنچ گئے۔ صائم ایوب کی 57 درجہ بہتری، رینکنگ میں 24 ویں نمبر پر آگئے۔
آئی سی سی ون ڈے باؤلنگ رینکنگ میں راشد خان کا پہلا نمبر برقرار ہے۔ بھارت کے کلدیپ یادیو 2 درجہ بہتری کے بعد دوسرے نمبر پر پہنچ گئے۔ شاہین آفریدی ایک درجہ تنزلی کے بعد تیسرے نمبر پر پہنچ گئے۔ ساؤتھ افریقہ کے کیشو مہاراج بھی ایک درجہ تنزلی کے بعد چوتھے نمبر پر چلے گئے۔
ون ڈےآل راؤنڈرز ریکنگ میں محمد نبی کا پہلا نمبر برقرار جبکہ سکندر رضا کی دوسری اور افغانستان کے عظمت اللہ عمر زئی کی 5 درجہ بہتری کے بعد تیسری پوزیشن ہے۔
ٹی ٹوئنٹی رینکنگ:
آئی سی سی ٹی ٹوئنٹی بیٹنگ رینکنگ میں ٹریوس ہیڈ کی پہلی پوزیشن برقرار ہے۔ فل سالٹ کی دوسری،تلک ورما کی تیسری اور سوریاکمار یادیو کی چوتھی پوزیشن ہے۔ اس فہرست میں بابر اعظم چھٹے اور محمد رضوان آٹھویں نمبر پر براجمان ہیں۔
ٹی ٹوئنٹی باؤلرز رینکنگ میں ویسٹ انڈیز کے عقیل حسین کی پہلی پوزیشن برقرار ہے۔انگلینڈ کے عادل رشید کی دوسری اور وانندو ہسارانگا کی تیسری پوزیشن ہے۔
آئی سی سی ٹیسٹ رینکنگ میں انگلینڈ کے جو روٹ کی پہلی پوزیشن برقرار ہے۔ انگلینڈ ہی کے ہیری بروک کا رینکنگ میں دوسرا نمبر ہے۔ آسٹریلیا کےٹریوس ہیڈ ایک درجے ترقی کے بعد چوتھے نمبر پر آ گئے۔ آسٹریلیا کے اسٹیو اسمتھ ایک درجے ترقی کے بعد 10 ویں نمبر پر آ گئے۔
پاکستان کے بابراعظم دو درجے ترقی کے بعد 15 ویں نمبر پر آ گئے۔
سری لنکا کے دنیش چندیمل اور دھنن جایا ڈی سلوا کی رینکنگ میں دو دو درجے بہتری 12 ویں اور 13 ویں نمبر پر موجود ہیں۔
سلمان علی آغا اور محمد رضوان کی رینکنگ میں ایک ایک درجے بہتری 18 ویں اور 19 ویں نمبر پر موجود ہیں۔
ٹیسٹ بولرز میں انڈیا کے جسپریت بمرا کا پہلا نمبر برقرار ہے۔ پاکستان کے نعمان علی 10 ویں سے 9 ویں نمبر پر آ گئے۔
ٹیسٹ آل راؤنڈرز میں انڈیا کے رویندرا جڈیجا کا پہلا نمبر برقرارہے۔