پاکستان اور آسٹریلیا کے درمیان کھیل جانے والے پہلے ٹی 20 میچ کا ٹاس مقررہ وقت پرشروع نہیں ہوسکا ہے۔
ای ایس پی این کرک انفو کے مطابق پاکستانی وقت کے مطابق میچ دوپہر ایک بجے شروع ہونا ہے لیکن بارش کی وجہ سے تاحال ٹاس نہ ہوسکا جب کہ پچ کو کور سے ڈھانپ دیا گیا ہے۔
میچ سے قبل پاکستان کے کپتان محمد رضوان کا میچ کے متعلق بات چیت کرتے ہوئے کہنا تھا کہ ’تیاری اچھی ہے، فائنل الیون سے متعلق وہی فیصلہ کریں گے جو بہتر ہوگا۔‘
دوسری جانب آسٹریلیا کو مچل سٹارک، جوش ہیز ل ووڈ، مستقل کپتان مچل مارش اور اوپنر ٹریوس ہیڈ کی خدمات حاصل نہیں ہوں گی جبکہ جوش انگلس سیریز میں آسٹریلیا کی قیادت کریں گے۔
اس سے قبل ٹی 20 فارمیٹ میں دونوں ٹیمیں آخری مرتبہ مارچ 2022 میں لاہور میں آمنے سامنے آئی تھیں جس میں آسٹریلیا نے کامیابی حاصل کی تھی۔
واضح رہے کہ دورہ آسٹریلیا میں اس سے قبل پاکستان نے آسٹریلیا کو تین میچوں پر مشتمل ون ڈے سیریز میں 1-2 سے شکست دی تھی۔
کمنٹ کریں